Në qytetin e Burrelit vijon puna për veshjen e pallateve me sistemin kapot, një investim ky mjaft i dobishëm për qytetarët.
Aktualisht janë drejt përfundimit të gjithë pallatet parafabrikat në këtë qytet, në lagjet “Partizani” dhe “Drita”.
Ndërkohë sipas vendorëve të Matit do të ndërhyhet në fasadat e 113 pallateve që ka ky qytet.
Kryetari i Bashkisë Mat, Agron Malaj thotë se pallatet do të marrin një pamje bashkëkohore dhe mundësojnë stabilizimin e temperaturave:
“Vijojnë investimet në fasadën e pallateve në qytetin e #Burrelit.
Aktualisht punimet vijojnë në lagjen “Drita”, ku pas këtij investimi pallatet e kësaj lagjeje do të marrin një pamje bashkëkohore.
Ky investim ka një ndikim të drejtpërdrejtë tek banorët që banojnë në këto pallate, duke bërë të mundur stabilizimin e temperaturave pavarësisht stinëve”, shprehet Malaj.
