Në dy objekte të rëndësishme po punohet me intensitet të lartë për furnizimin me ujë të pijshëm të banorëve të Burrelit dhe tri njësive administrative në zonat rurale të Bashkisë Mat.
Në qytetin e Burrelit punohet pa pushim për rehabilitimin e të gjithë rrjetit të brendshëm të qytetit, duke përmirësuar rrjetin shpërndarës dhe krijuar premisa për heqjen e çisternave nga taracat e pallateve.
Në lidhje me këtë invesim kryetari i Bashkisë Mat Agron Malaj shkruan: “Po punojmë çdo ditë për shtrirjen e tubave të Ujësjellësit në çdo lagje të qytetit!”
Po ashtu vijojnë punimet për ndërtimin e ujësjellësit të Zallë Gjoçajve, vepër kjo që do të furnizojë me ujë të pijshëm banorët e 18 fshtrave të Derjanit, Rukajve e Macukullit.