Presidenti malazez, Jakov Milatović i tha kryekomisioneres Ursula Von Der Leyen se Mali i Zi është më afër Bashkimit Evropian se vendet e tjera kandidate ndaj duhet që të anëtarësohet para vitit 2030.
“Kam vënë në dukje avantazhet e vendit tonë në krahasim me vendet e tjera kandidate për tu anëtarësuar në BE përpara vitit 2030. Kjo perspektivë është mjaft realiste dhe e mundshme pasi Mali i Zi nuk ka mosmarrëveshje me fqinjët prandaj duhet që të maten arritjet individuale të vendeve kandidate. Antaresimi i Malit të Zi në BE do të ishte një mesazh i madh për të gjitha vendet e tjera kandidate se procesi i zgjerimit është i gjallë”.
Po ashtu Milatoviç beson se Kuvendi dhe qeveria e re do ta njohin rëndësinë e momentit politik kur është fjala për perspektivën evropiane të Malit të Zi.