Rreth 30 krerë bagëti të imëta, dele dhe dhi, janë goditur nga rrufeja në malin e Nikollarës, në Njësinë Administrative Moglicë, Bashkia Maliq.
Sipas informacioneve paraprake, bagëtitë ishin duke u kullotur në momentin kur në zonë nisi një rrebesh i fortë shiu, i shoqëruar me shkarkesa elektrike. Si pasojë e goditjes së rrufesë, të gjitha bagëtitë kanë ngordhur.
Ngjarja ka shkaktuar dëme të konsiderueshme ekonomike për pronarin e tufës, ndërsa rrethanat e saj janë të lidhura me kushtet e pafavorshme atmosferike që përfshinë zonën.