Mamaja e Rita Orës ka si profesion mjeke psikiatre, por ka zgjedhur të jetë në front të luftës ndaj koronavirusit në Britani bashkë me kolegët e saj.
“The Sun” shkruan se Vera Ora njëkohësisht ka punuar edhe si mjeke e përgjithshme dhe tashmë ajo po ndihmon kolegët e saj që të përballojnë fluksin në rritje të të sëmurëve me COVID-19.
Ndërkohë Vera Ora ka publikuar edhe një video ku u kërkoi ndjekësve të saj të rrinë në shtëpi për të ndihmuar në ndalimin e përhapjes së COVID-19.
“Edhe pse merrem me pacientët që kanë probleme me shëndetin mendor, po ndihmoj edhe kolegët e mi heronj. Është një kohë shumë e rrezikshme dhe të gjithë nuk janë të sigurt dhe duhet qëndruar në shtëpi, ne po mbizotërohemi me pacientët që kalojnë dhe i rrezikojnë të gjithë”, është shprehur ajo.