Këtë të martë, Ministrja e Shëndetësisë, Ogerta Manastirliu ka dhënë një lajm shumë të gëzueshëm lidhur me dy binjakë të cilët kanë qëndruar për 45 ditë në gjendje të rëndë në terapinë intensive.
Me anë të një postimi në profilin e saj në “Facebook”, Manastirliu shkruan se binjakët Dion dhe Diaz e kanë fituar betejën për jetën.
“Lajm i bukur,
Pas 45 ditësh shumë të vështira në terapinë intensive, binjakët Dion dhe Diaz e kanë fituar betejën për jetën.
Përgëzime të gjithë stafit të Reanimacionit të Maternitetit “Koço Gliozheni” për punën dhe përkushtimin për fëmijët prematurë”, shkruan ministrja.