Pep Guardiola dhe skuadra që ai drejton, Manchester City nuk arritën dot të kualifikoheshin për në finalen e Champions League duke u eleminuar nga Real Madrid. Megjithatë, kjo nuk i ka penguar aspak drejtuesit e City-t për të mbajtur ende në krye të pankinës së tyre teknikun spanjoll.
Mediat britanike bëjnë me dije se klubi është gati të bëjë investime të reja në merkato dhe t’i propozojë trajnerit Guardiola rinovimin e kontratës, e cila skadon në fund të sezonit. Edhe pse spanjolli dështoi për të arritur në finale dhe për ta fituar atë, thuhet se Guardiola është i vendosur për të qëndruar në Angli.
Manchester City pritet t’i ofrojë një kontratë të re tre vjeçare dhe disa nënshkrime të reja të klasit të lartë, sipas “Daily Mail”.