Trajneri i kombëtares italiane, Roberto Mancini është rikthyer për të folur mbi dështimin për t’u kualifikuar në Botërorin e Katarit. Këtë e bëri gjatë një interviste për “Sportmediaset”:
“Jam i kënaqur me atë që kam bërë, më vjen shumë keq për atë që ndodhi, por sinqerisht mund të eci me kokën lart, nuk kam asnjë lloj problemi.
Fatkeqësisht, ne patëm disa situata të vështira dhe për këtë nuk arritëm të fitonim, kjo është e gjitha. Djemtë kanë qenë gjithmonë fantastikë dhe nuk kam çfarë t’iu them atyre”.
Mancini kujtoi më pas sukseset e arritura në rrugën e tij: “Ne nuk humbëm për 37 ndeshje radhazi, fituam Kampionatin Evropian, nuk duket një rrugë kaq e palavdishme.
Tani mbaroi kjo gjë, do të jemi të sëmurë dhjetorin e ardhshëm, kur ta shohim Botërorin nga televizori, por më pas duhet të fillojmë të mendojmë edhe për të ardhmen”.
Eliminimin e bujshëm nga Botërori i Katarit, trajneri axurr e përmblodhi kështu: “Sporti është bërë nga fitoret dhe nga disfatat. Ndonjëherë ka fitore të pabesueshme si Evropiani ynë, titull të cilin do ta mbajmë ende për dy vitet e ardhshme.
Kjo është shumë e rëndësishme. Pastaj, për fat të keq ju përballeni me prova të vështira, ashtu siç t’i rezervon jeta”.