Deputetja e Kuvendit të Shqipërisë Aurora Mara, njëkohësisht kandidate për zgjedhjet e 25 Prillit në Qarkun e Dibrës dhe kryetari i bashkisë Mat Agron Malaj vijojnë takimet elektorale në çdo fshat të rrethit.
Fushata e tyre është intensive, duke synuar të kontaktohen sa më shumë zgjedhës, pavarësisht bindjeve të tyre politike.
Mara e Malaj kanë zhvilluar takime me banorët e më shumë se 80 fshatrave në 12 Njësitë Administrative si dhe në qytetet Burrel, Klos e Ulëz.
Në qytetin e Burrelit janë zhvilluar dy tubime elektorale, nën masa sigurie, në lagjet “Pjetër Budi” e “Partizani”. Votuesit janë shprehur se do të votojnë Partinë Socialiste dhe kandidaten Aurora Mara, pasi dy vitet e fundit vëmendja e qeverisë është kthyer për matjanët.