Takimet elektorale të kandidates socialiste për deputete në Qarkun e Dibrës, Aurora Mara vijojnë në Mat e Bulqizë. Pas takimeve me votues për herë të parë në Burrel Mara është takuar me gratë e Bulqizës. E emocionuar nga mikpritje dhe mbështetja e tyre Mara tha se ndjehej e vlerësuar nga Partia Socialiste dhe Edi Rama.
“Kryeminisstri i Shqipërisë Edi Rama ka treguar vëmendje për gratë në të gjitha aspektet, ato janë vlerësuar në poste dejtuese e politike. Vetëm ky burrë shteti ka punuar dhe punon që gratë të kenë vendin që meritojnë në shoqërinë shqiptare”, nënvizoi Mara gjatë tubimit.
Duke folur mbi vendimin që mori dy vite më parë, teksa hyri në Kuvendin e Shqipërisë, deputetja Aurora Mara u shpreh se nuk mund të brakstiste votën e qytetarëve matjanë, bulqizakë e dibranë dhe nuk mund ta kuptojë qëndrimin e opozitës për të lënë mandatet dhe për të dhunuar institucionet.
“Vota, tha ajo, është pasuria më e madhe e qytetarëve, ndaj duhet dhënë për njerëzit që punojnë për të mirën e qytetarëve. Kush tjetër veç kësaj qeverie do të përballonte dy fatkeqësi të mëdha, siç ishte tërmeti dhe pandemia botërore. Banesat e rrënuara nga tërmeti po ndërtohen më të mira, ndërkohë në të gjithë vendin vijon vaksinimi masiv i popullsisë. Sakaq invsetimet në çdo pjesë të territorit vijojnë me intensitet”, shtoi Mara.