Mariah Carey e di shumë mirë që sekreti për foton perfekte fshihet pas dritës së mirë, e cila sigurisht bën diferencën. Për të treguar çfarë mundimesh të shkakton realizimi i një ‘selfie-je’ perfekte, këngëtarja ka publikuar prapaskenat në ‘Twitter’.
“Duke gjetur dritën time”, shkruan ajo në foton ku shfaqet e veshur me taka dhe fustan, teksa qëndron e ulur pranë një karroce kokoshkash. Me telefonin përpara fytyrës duket qartë që ajo po përpiqet të bëjë një foto me dritën që lëshon makineria. E kujt ja merrte mendja se karroca e kokoshkave mund të kryente një punë të tillë? Tani e keni zgjidhje, kërkoni kokoshka për foton perfekte.
