Pas një viti mungesë, moderatorja e njohur Marina Vjollca do të rikthehet në ekran. Pa përfundimit të “C’est la vie” në janar të vitit të kaluar, Marina u përfol gjatë për mungesën e saj në ekran, mirëpo, duket se moderatorja gjatë kësaj kohe ka qenë duke punuar për një projekt të ri pasi për këtë lajmëroi para disa javësh me anë të një postimi në instastory.
Por në çfarë ekrani do të rikthehet Marina? Kjo është enigmë sepse moderatorja simpatike s’ka dhënë detaje dhe dihet shumë pak për projektin e saj të ri, por moderatorja Jonida Shehu mbrëmjen e djeshme në emisionin e saj është pyetur se cilën nga figurat e larguara nga Topi do donte të shikonte sërish aty. Përgjigja e saj ishte e menjëhershme dhe shumë e drejtpërdrejtë.
“Unë do doja Marinën. Realisht më mungon Marina dhe do doja ta shihja në ‘Top Channel”, ka thënë Jonida.