Kandidati i PD-së për kryetar bashkie i Elbasanit, Luçiano Boçi, ka denoncuar gjendjen e markatës ushqimore në Elbasan.
Nënkryetari demokrat u shpreh se markata ndodhet jashtë çdo lloj kushti minimal higjienik, pa asnjë lloj rregulli dhe sistemimi të produkteve.
“A e meriton Elbasani të ketë një shëmti të tillë si treg për të blerë ushqime?!
Kanë 16 vite që mbajnë pushtet. Kanë në dorë gjithçka, paratë, administrimin, menaxhimin, ndarjen e prioriteteve dhe ja çfarë i kanë bërë “Markatës” tregut kryesor ushqimor të Elbasanit.
Jashtë çdo lloj kushti minimal higjenik, pa asnjë lloj rregulli dhe sistemimi të produkteve dhe me xhandarët e Bashkisë që vijnë taksojnë pisllëkun! Kjo është panorama e 16 viteve pushtet socialist!”, shkruan Boçi.