Ditën e sotme në një lidhje direkte me “Shqipëria Live” ishte aktorja e njohur, Rudina Dembacaj. Ajo rrëfeu se bashkë me partnerin e saj Mark Frrokun mendojnë se mund ta kenë kaluar ose mund të jenë të infektuar ende me Covid-19. Këto dyshime vijnë për faktin se Frroku ka takuar në një ceremoni mortore pacientin zero, saktësisht i ka dhënë dorën.
Rudina tregoi se si ajo, ashtu dhe partneri i saj kanë patur temperaturë të lartë (ndonëse thekson se ajo vetë kishte edhe bajame), shoqëruar me kollë dhe dhimbje të fuqishme muskulare.
“Marku kishte dhimbje trupi, i shkoi tempratura 40.2, por pas paracetamolit iu ul. Këmbët nuk i ndjeja, më ishin paralizuar, Aty e ndamë mendjen se kishim koronavirus. Ne jemi mbyllur në shtëpi me 5 anëtarë të tjerë, dy janë prindërit e tij, 80 e ca dhe 70 e ca vjç. Të moshuarit dhe fëmijët s’kanë asnjë simptomë. Kishim frikë mos infektonim prindërit e tij, sepse ishim bashkë. Unë gatuaja për të gjithë. Ende nuk e kemi hequr dyshimin nëse kishim apo kemi koronavirus”, u shpreh Rudina.
Gjithashtu Rudina, gjatë bisedës tha se ka mbetur e pakënaqur ndaj shërbimit mjekësor. Ajo ndau eksperiencën aspak të këndshme me numrin 127, ku doktoresha i tha se nuk kishte tampon, nuk mund të shkonin në shtëpinë e tyre, por duhej thjesht të izoloheshin.