Kryeministrja e Zelandës së Re, Jacinda Ardern, ka shkarkuar një ministër të kabinetit të saj për sjellje të pahijshme.
Sipas “New Zealand Herald”, Iain Lees-Galloway, ministri për Marrëdhëniet dhe Sigurinë në Punë, gjithashtu nuk është lejuar të kandidojë nën ombrellën e Partisë Laburiste në zgjedhjet e përgjithshme të shtatorit.
“Ai nuk e kishte modeluar sjelljen që unë pres si ministër përgjegjës për vendosjen e një standardi dhe kulture në vendet e punës”, citon e përditshmja të ketë thënë Ardern.
Dje, Ardern e thirri Lees-Galloway në zyrën e saj, ku ai pranoi marrëdhënien. Në një deklaratë, Lees-Galloway kërkoi falje dhe tha se pranoi vendimin e Ardern për largimin e tij nga kabineti.
“Unë e pranoj vendimin e kryeministres dhe kërkoj falje absolutisht. Unë kam vepruar plotësisht në mënyrë jo të duhur në pozicionin tim dhe nuk mund të vazhdoj më si ministër”, tha ai. Lees-Galloway, 41 vjeç, është i martuar me tre fëmijë dhe ka shërbyer në parlament që nga viti 2008.