Marrëveshja për refugjatët, Gjykata Kushtetuese do të shqyrtojë sot padinë e grupit Berisha-Bardhi

Këtë të enjte Gjykata Kushtetuese do të shqyrtojë padinë e deputetëve të grupimit të Berishës dhe Bardhit për marrëveshjen për refugjatët me Italinë. Ata kërkojnë marrjen e një opinioni këshillimor nga Gjykata Evropiane për të Drejtat e Njeriut për zbatimin e të drejtave dhe lirive të parashikuara nga Konventa Evropiane për të Drejtat e Njeriut në Protokollin ndërmjet Qeverisë së Republikës Italiane dhe Këshillit të Ministrave të Republikës së Shqipërisë, “Për Forcimin e Bashkëpunimit në Fushën e Migracionit”.