Ambasadorja e Shteteve të Bashkuara të Amerikës në vendin tonë, Yuri Kim dhe Zëvendës Ambasadori Demian Smith i’u bashkuan sot Marshimit të Krenarisë LGBTI+ i cili po mbahet në bulevardin e Tiranës.
Siç deklaruan dy diplomatët amerikanë, ata dolën në marshim për të treguar mbështetjen e Shteteve të Bashkuara për mbrojtësit e të drejtave të njeriut dhe organizatat e shoqërisë civile që punojnë në Shqipëri për të përkrahur të drejtat dhe liritë themelore të të gjithë njerëzve për të jetuar me dinjitet.
Ndërkohë, përmes një postimi në rrjetin social “Facebook” të ambasadës amerikane thuhet se Shtetet e Bashkuara mbeten të përkushtuara ndaj të drejtave të njeriut dhe lirive themelore për të gjithë personat si parime kushtetuese që vazhdojnë të udhëheqin diplomacinë amerikane.