Komisionerja për Zgjerimin Marta Kos, në konferencën për mediat me kryeministrin Edi Rama, në kuadër të Samitit në Tiranë, deklaroi se Plani i Rritjes është histori suksesi.
Kos deklaroi se rruga drejt BE-së nuk është e lehtë. Ajo i bëri thirrje udhëheqësve të Ballkanit Perëndimor, që të ecin përpara me reformat.
Marta Kos: Përshëndetje miq. Tani jemi në mes të periudhës 4-vjeçare të Planit të Rritjes. Plani i Rritjes është shumë i rëndësishëm për vendet e Ballkanit Perëndimor, që vendet e BP të ecin përpara. Folëm për nevojën për të zgjeruar vetë nocionin e zgjerimit. Ne duam t’ju integrojmë në sa më shumë fusha të BE-së. Objektivi ynë që vendet e BP të ecin në sinkron.
Plani i Rritjes është një histori suksesi. Gjithë udhëheqësit e rajonit duhet të punojnë sa më shumë për reformat. Reformat që kemi rënë dakord nuk janë të lehta, por ata përgatisin ekonomitë tuaja për tregun e përbashkët. Ky është proces transformimi, që sjell ndryshime të mëdha. Sa më shumë përafroni politikat tuaja me ato të BE-së, aq më shumë investime do keni këtu.