Një 41-vjeçar arab është vënë në pranga pasi u premtonte shtetasve egjiptianë se do u siguronte pasaporta shqiptare në këmbim të një shume parash.

Burime zyrtare të policisë bëjnë të ditur se është arrestuar Talal Ahmed Abu Mayha, 41 vjeç, lindur në Emiratet e Bashkuara Arabe, dhe banues në Tiranë. Gjithashtu në kuadër të këtij operacioni u procedua në gjëndje të lirë E. M., 40 vjeç dhe u shpall në kërkim M. M., 49 vjeçe, të dy shqiptarë.

Në bashkëpunim me njëri-tjetrin duke u kamufluar si investitor dhe partner për investime në Shqipëri, u premtonin shtetasve të huaj me kombësi egjiptiane të cilët shfaqnin interes se mund t’ju siguronin atyre pasaporta të shtetit shqiptar për shuma që varionin mbi 20 000 euro.

Nga hetimet e kryera ka rezultuar dhe është provuar se këta persona ndërmjet një zyre binjakëzimi midis Emirateve të Bashkuara dhe Tiranës, ju kanë marrë disa shtetasve shuma të konsiderueshme në euro duke ju premtuar leje qëndrimi dhe pasaporta shqiptare, por që nuk kanë bërë të mundur dot as aplikimin për dokument të tillë si pasaporta dhe leja e qëndrimit për shkak të rregullave dhe dokumentave strikte që kërkoheshin nga zyra e kufirit dhe migracionit.

Në cilësin e provës materiale janë sekuestruar Zyra në Tiranë e shtetasit të arrestuar arab, tre njësi kompjuterash të ndryshëm, një aparat celular, dokumenta të ndryshme.

Materialet proceduriale ju kaluan Prokurorisë pranë Gjykatës së Shkallës së Parë Tiranë, në ngarkim të shtetasve të lartpërmendur, për veprat penale “Mashtrim”, “Fshehje e të ardhurave” dhe “Mospagim i taksave dhe tatimeve”.

PËRGJIGJU

Please enter your comment!
Please enter your name here