Një 27-vjeçar është vënë në pranga nga policia e Tiranës pasi mashtronte qytetarë të ndryshëm duke u premtuar punësim në sektorin shtetëror apo privat kundrejt një pagese.
“Nga specialistët për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë u bë ndalimi i shtetasit A. H., 27 vjeç, pasi ky shtetas në anë të mashtrimit, iu merrte shuma parash personave të ndryshëm, me qëllim që ti punësonte në sektorin privat dhe publik”, thuhet në njoftimin zyrtar të policisë.