Një 41 vjeçare në Tiranë ka bërë denoncim 5 ditë më parë se disa persona ende të paidentifikuar i kanë sulmuar portën e jashtme të shtëpisë. Kjo situatë ka thënë ajo në kallëzim është e përsëritur.
Kësisoj prokuroria e Tiranës është vënë në lëvizje për të hetuar se cilët janë personat që herë pas here, sipas denoncimit që ka bërë 41-vjeçarja , me sende të forta i kanë goditur dhe dëmtuar portën e jashtme të banesës së saj.
“Specialistët për Hetimin e Krimeve në Komisariatin e Policisë Nr.3, referuan materialet në Prokurorinë pranë Gjykatës së Shkallës së Parë Tiranë, për veprën penale “Shkatërrimi i pronës”, pasi shtetasja R. P, 41 vjeçe, ka kallëzuar se më datë 28.10.2021, persona të paidentifkuar, i kanë shkaktuar dëmtime, dyshohet me sende të forta në portën e jashtme të banesës së saj, me adresë në rrugën “Kastriotet”, Tiranë, ngjarje kjo sipas kallzueses e përsëritur në kohë të ndryshme”, thotë policia.
Nën drejtimin e Prokurorisë, vijon puna për identifikimin dhe vënien përpara përgjegjësisë ligjore të autorit/ve të ngjarjes.