Ide brilante vjen nga Bashkia e Matit. Për nder të 75 vjetorit të Çlirimit të vendit nga pushtuesit e huaj janë planifikuar të organizohen 75 orë aktivitete të ndryshme kushtuar kësaj feste të madhe.
Drejtori i Kulturës në këtë Bashki, Sokol Meta bëri me dije se nga nesër deri me 30 nëntor do të zhvillohen këto aktivitete:festivali i koreve të shkollave 9 vjeçare, cirku i kllounëve gjermanë, dekorimi i qytetit, festivali i këngës Epike-Lirike, koncert i QKF-së Burrel “75 vjet çlirim”, Hani i Piktorëve, ndeshje futbollit KF Burreli-KF Klosi, Panair-Koncert, homazhe në varrezat e dëshmorëve të Matit, ekspozitë me piktura, etj.
Ditë më parë kryetari i Bashkisë Mat Agron Malaj organizoi një takim me drejtues të instiucioneve, përfaqësues të veteranëve, intelektualë dhe qytetarë, për mirëorganizimin e festave të nëntorit. /tirananews.al/
