Kandidatja për deputete në Qarkun e Dibrës Aurora Mara dhe kryetari i Bashkisë Mat Agron Malaj janë takuar sot me zgjedhësit e njësive administrative Derjan e Macukull në rrethin e Matit.
Banorë të shumtë u shprehën gjatë takimeve elektorale se me fillimin e punimeve për ndërtimin e ujësjellësit të Zallë Gjoçajve realizohet ëndërra mbi 100 vjeçare e 17 fshatrave në njësitë Macukull, Derjan e Rukaj si dhe arrihet furnizimi 24 orë/ditë e qytetit Burrelit.
“Nuk e mendonim se do të realizohet ky premtim i dhënë nga shumë kryetarë komunash, deputetë, ministra e kryeministra. Tani që punimet kanë nisur falenderojmë kryeministrin Rama dhe kryebashkiakun Malaj për ndërtimin e kësaj vepre jetike. Ne do të votojmë për Partinë Socialiste dhe kandidaten Aurora Mara, pasi të tjera investime do të realizohen në zonën tonë”, thanë zgjedhësit e Macukullit.