Bashkia e Matit ka investuar kohët e fundit dhe për moshën e tretë. Qendra e tyre në lulishten “Nëna Geraldinë” është rihapur sot, pikërisht në “Ditën Ndërkombëtare të Moshës së Tretë.” Mbyllja e kësaj qendre për shkak të pandemisë bëri që kryebashkiaku Agron Malaj të kujdesej për përmirësimin e kushteve në këtë qendër pushimi dhe argëtimi.
Gjatë një ceremonie të zhvilluar kryetari i Bashkisë Mat, Agron Malaj theksoi se në bashkëpunim me degën lokale të Kryqit të Kuq është treguar kujdes i veçantë për të moshuarit e qytetit të Burrelit. Ai theksoi se të tjera investime do të kryhen edhe në lagjet e qytetit, për t’u mundësuar të moshuarve kushte më të mira.
Të pranishëm në këtë ceremoni ishin kryetari i Bashkisë Mat edhe nënprefekti i këtij rrethi Hasan Pasha, nënkryetari i Këshillit të Qarkut Dibër, Halit Palamani, kryetarja e këshillit bashkiak Elisa Gjasta, nënkryetari i Bashkisë Mat Myslim Zeneli, kryetari i Kryqit të Kuq Mat Abdi Pasha, etj.
Të moshuarit falenderuan bashkinë për kujdesin e treguar dhe investimet që po kryhen në çdo skaj të Matit.
