Dikur një objekt i rrënuar, në mëshirë të fatit, së shpejti do të jetë një qendër rinore e vecantë. Ish kopshti dhe shkolla e ciklit të ulët për “Lagjen e Re” në Burrel po transformohet plotësisht, për t’u kthyer në një qendër multifunksionale. Punimet janë drejt përfundimit dhe së shpejti të rinjtë matjanë do të kenë dhe një mjedis tjetër inovacioni dhe rekreacioni.
Në një postim të tij kryebashkiaku Agron Malaj shkruan se: “Po shkon drejt përfundimit puna për rikonstruksionin e Qendrës Rinore “RINOVART” në Mat. Falë mbështetjes së Agjencia Kombëtare e Rinisë AKR puna ka vijuar në mënyrë intensive, për të sjellë ambientet më bashkëkohore dedikuar të rinjve matjanë, të cilët do të kenë hapësirën e tyre në këtë Qendër Rinore multifunksionale, rekreative dhe inovacioni”.
