Rrugët e fshatrave malorë në Bashkinë e Matit janë bërë të kalueshme në kohë rekord.
Pas mbledhjes së Shtabit të Emergjencave Civile dhe porosive të kryetarit të Bashkisë Agron Malaj, mjete e forca të shumta janë vënë në lëvizje për të hapur të gjitha rrugët që ishin bllokuar nga bora e rënë.
Më problematike situata paraqitej në Njësinë Administrative Macukull, sidomos në fshatrat Dejë Macukull si dhe në segmentin Vig-Selishtë.
Fadroma dhe mjete të ngarkuara me kripë e skorie zhbllokuan rrugët brenda pak orëve, dhe mundësuan lëvizjen e mjeteve të transportit dhe qytetarëve pa probleme.
Vite më parë, për ditë me radhë, këto fshatra vuanin kujdesin e pushtetit lokal dhe rrugët qëndronin të bllokuara.
