Ashtu si një vit më parë edhe këtë vit Bashkia Mat dhe “Kurum” kanë vijuar shtimin e rasatit të peshkut në liqenin e Ulzës. Po ashtu janë marrë masa që ekonomia e peshkimit të ruhet nga keqbërësit, personat që gjuanin me lëndë plasëse, energji elektrike apo mënyra të tjera të paligjshme.
Bashkia Mat në bashkëpunim me firmën “Kurum” ditën e sotme mundësuan hedhjen e 40 mijë copë rasat peshku në liqenin e Ulzës, duke bërë të mundur kështu shtimin artificial të ekonomisë së peshkimit në këtë zonë.
Të pranishëm në hedhjen e rasatit ishin drejtuesi i HEC-ve Ulëz-Shkopet dhe zyrtarë të Bashkisë Mat. “Kurum” ka premtuar të shtojë sasi të tjera rasati në këtë liqen.