Një ngjarje tragjike është shënuar në fshatin Bruç, njësia administrative Rukaj. Një nxënës i klasës së nëntë ka humbur jetën tragjikisht, pasi dyshohet se është rrëzuar aksidentalisht nga një vend i thepisur. Ngjarja e rëndë ndodhi në orët e mesnatës, ndërkohë trupi i pajetë i 15 vjeçarit u gjet duke u gdhirë dita e sotme.
Njoftimi i Policisë
Në vendin e quajtur “Stallat e gjakrosës”, buzë lumit të fshatit Urakë, shtetasi G. Klosi,15 vjeç, dyshohet se është rrëzuar aksidentalisht nga një vend i thepisur dhe për pasojë ka humbur jetën.
Grupi hetimor nën drejtimin e Prokurorisë vijojnë hetimet për zbardhjen dhe dokumentimin e plotë të rrethanave të ngjarjes.