Në Njësitë Administrative Komsi e Lis do të ndërtohen për herë të parë qendrat administrative.
Bashkia Mat ka veçuar fonde për rehabilitimin e godinave të Njësive Administrative, ndërtimin e shesheve dhe trotuareve, shtimin e gjelbërimit me pemë, lule e shkurre dekorative, do të vendosen stola e ndriçim dhe mjedise çlodhëse për banorët e këtyre zonave.
Në një postim të Bashkisë Mat thuhet se:
“Bashkia Mat, ka nisur punën për rehabilitimin e hapësirave publike, tani më jo vetëm në qytetin e Burrelit por edhe në Njësitë Administrative. Puna ka nisur për rehabilitimin e hapësirës publike në Njësinë Administrative Komsi. Po ashtu po punohet dhe për fasadën e kësaj godine e cila ishte amortizuar totalisht.”
Mësohet se një investim si ky i Komsisë do të nisë së shpejti edhe në Njësinë Administrative Lis. Sakaq zyrtarët vendorë të Matit janë shprehur se qendra bashkëkohore do të ndërtohen edhe në Macukull, Derjan, Rukaj e Baz.
