Organizata Miqësia Ulëz denoncoi sot ndotjen e rëndë të Liqenit pranë qytezës piktoreske të Ulzës. Lumenjtë dhe përrenjtë që përshkojnë territorin e rrethit Matit derdhen në këtë basen. Ato kanë sjellë për shkak të reshjeve të dendura të shiut mbetje të shumta, kryesisht plastike. Sipas drejtuesve të organizatës një dëm i pallogaritshëm po i shkaktohet faunës nga detergjentët dhe mbetjet spitalore.
Postimi i Organizatës:
Bukuria përballë ndotjes së liqenit të Ulzës dhe Shkopetit, si pasojë e efekteve negative nga mosmenaxhimi i mbetjeve urbane në gjithë gjatësinë e pellgut ujëmbledhës në Luginën e Matit, dhe larg vëmendjes, kjo është vetëm pjesa e asaj që shohim çdo vit sidomos në këtë sezon, pjesa tjetër e padukshme janë detergjentët e ndryshëm dhe ato spitalore që hidhen dhe që po sjellë vit pas viti dëmtimin e faunës dhe specieve të veçanta të peshkut në këtë liqen.!
