Një ceremoni përkujtimore, në kuadër të 25-vjetorit të rënies në krye të detyrës të dy ish/punonjësve të Policisë së Shtetit, Baftjar Stafasani dhe Sabri Nelaj, është organizuar nga Komisariati i Matit.
Në ceremoni morën pjesë Zv/Drejtori për Rendin dhe Sigurinë Publike, Shefi i Komisariatit të Policisë Edmond Hala, Kryetari i Bashkisë Mat Agron Malaj, nën/Prefekti i këtij rrethit Hasan Pasha, familjarë të dëshmorëve dhe punonjës policie.
Gjatë fjalimit të mbajtur nga shefi i Komisariatit z.Edmond Hala, u theksua se përkushtimi, korrektësia, ndershmëria, ndjenja e lartë e përgjegjësive për të realizuar në kohë detyrat, trimëria dhe guximi në çdo kohë e situatë, ishin tiparet që dallonin në karakterin e dy ish-kolegëve tanë.
“Pas 25 vjetësh, përulemi me shumë mirënjohje për aktin sublim që kryen Baftjari dhe Sabriu, duke flijuar jetën e tyre në krye të detyrës” u shpreh Hala.
Kryetari i Bashkisë Mat tha se akti i Sabri Nelit dhe Baftjar Stafasanit nuk duhet harruar. Ai shtoi se dy “Dëshmorët e Atdheut” do të prehen në varrezat e dëshmorëve të Matit, aty ku prehen të rënët në luftë dhe në krye të detyrës.
Pas përfundimit të ceremonisë, Drejtues të Policisë dhe të pushtetit vendor zhvilluan një vizitë në familjet e Dëshmorëve të Policisë.