Të premten e fundit të çdo muaji Bashkia Mat dhe institucionet lokale organizojnë pastrimin e mjedisit në të gjithë territorin e kësaj njësie vendore.
18 muaj më parë, atëherë kur në krye të Bashkisë Mat erdhi Agron Malaj, nisi puna për mbajtjen pastër të mjedisit.
Qindra punonjës dhe dhjetra mjete përfshihen çdo fundmuaj në pastrimin e rrugës nacionale Shkopet-Burrel, rrugë e trotuare në qytetin e Burrelit, qendrat administrative, mjediset pranë shkollave, çerdheve, kopshteve dhe institucioneve.
E rëndësishme për drejtuesit vendorë është ndërgjegjësimi i qytetarëve matjanë për mbajtjen pastër të territorit.
Nga ana e Bashkisë Mat është investuar sakaq për shtimin e koshave të mbetjeve, duke i vendosur ato edhe përgjatë rrugës nacionale dhe në qendrat e njësive vendore.