Prej mujash ka nisur puna për ndryshimin e gjendjes së Qendrës Kulturore të Fëmijëve në qytetin e Burrelit. Drejtoresha e këtij institucioni Anduena Sefgjini paraqiti në bashki projektet e saj për kthimin e qendrës në shërbim të fëmijëve. Ky objekt ishte lënë në mëshirë të fatit prej shumë vitesh.
Pas largimit të ferrave, inerteve dhe pastrimit total të mjediseve, brenda dhe jashtë godinës, nisi ndërtimi i një amfiteatri, mbjellja e pemëve, vendosja e stolave, lyerja e ambjenteve, dezinfektimi i gjithçkaje si dhe zbukurimi i mureve rrethues.
Po ashtu për 2 ditë me radhë në ambjentet e këtij institucioni u mbajt një miniteatër veror. Aktiviteti u zhvillua duke zbatuar rregullat e mbrojtjes nga Covid-19 si distancimi fizik, përdorimi i dizifektantit të duarve etj. Nxënësit pjesmarrës ishin nga dy shkollat 9-vjeçare të qytetit të Burrelit “31 Korriku” & “Ilia Qiqi” si dhe nxënës të regjistruar në QKF-së.
