Zjarri në zonën e Shkopetit është rindezuar vetëm pak orë pasi u mendua se ishte shuar nga helikopterët, Forcat e Armatosura, punonjësit e bashkisë Mat dhe banorë të zonës.
Sonte u njoftuan Emergjencat Civile se zjarri po përhapet me shpejtësi dhe se po vihet në rrezik lokali i Z. Gjegjit, objekt që ndodhet buzë rrugës nacionale Burrel-Milot.
Sakaq edhe vatra e Zallë Gjoçajve vijon të mbetet aktive dhe perimetri i flakëve është zgjeruar frikshëm. Ndërhyrja nga ajri nuk mundësoi shuarjen e flakëve sepse terreni është shumë i thyer dhe era e fortë e përhap zjarrin me shpejtësi.
Bashkia Mat njoftoi se edhe nesër forca e mjete të kësaj njësie do të jenë në Zallë Gjoçaj dhe Shkopet, për të “luftuar” me flakët që po shkaktojnë dëme serioze.
