Një investim mjaft i rëndësishëm për banorët e Matit nisi sot në qytetin e Burrelit. Siç ishte premtuar nga Kryebashkiaku Agron Malaj firma fituese e tenderit filloi punimet për realizimin e projektit të Rilindjes në qytetin verilindor.
Mësohet se qeveria shqiptare ka financuar 68.888.888 lekë (pa TVSH) për rehabilitimin dhe rigjenerimin e sheshit “Ahmet Zogu” dhe parkut “Nëna Mbretëreshë, Geraldinë”, në qytetin e Burrelit.
Punimet që nisën sot pritet të përfundojnë në muajin mars të vitit 2021.
Projekti që do të realizohet nga firma ndërtuese “Sireta 2F” sh.p.k pritet t’i jap tjetër pamje qytetit të Burrelit. Investimi është vlerësuar si mjaft i rëndësishëm nga qytetarët matjanë.
