Zjarri që kishte rënë ditë më parë te Liqeni i Luleve në Lurrë është “transferuar” për shkak të erës së fortë edhe në masivin pyjor të Zallë Gjoçajve, në rrethin e Matit.
Sot pasdite fermerët që verojnë bagëtitë në këtë zonë kërkuan ndihmën e autoriteteve vendore për të ndërhyrë për shuarjen e zjarrit pasi vihen në rrezik jo vetëm pyjet, por edhe bagëtitë e stanet që ato kanë ngritur në mal.
Mësohet se Bashkia Mat dhe Forcat e Armatosura po marrin masa për të dërguar në zonën e mbrojtur forca dhe mjete, për shuarjen e zjarreve, megjithëse terreni kërkon ndërhyrje nga ajri.