Mat, zjarri rrezikon dy fshatra, terreni malor vështirëson ndërhyrjen e zjarrëfikëses

Në Bashkinë e Matit, në njësitë administrative Lis dhe Baz pak orë më parë janë shfaqur dy vatra zjarri, në afërsi të fshatrave Vinjoll e Baz. Shumë shpejt kanë mbërritur specialistë dhe punonjës të bashkisë. Drejtuesit vendorë kanë kërkuar angazhimin e punonjësve dhe  banorëve të zonës për shuarjen e zjarreve. Sakaq ndërhyrja me mjetin zjarrfikës është e pamundur për shkak të terrenit malor. Bashkia Mat i kërkoi policisë të hetojë rastet dhe të zbardhë shkaqet e zjarreve.