Kryetari i bashkisë së Matit Agron Malaj, fton turistët vendas dhe të huaj të vizitojnë Matin.
Një prej destinacioneve të kësaj jave që ia vlen të vizitohet është edhe Ura e Vashës, e ndërtuar në fillim të shek.XVIII shërben për lidhjen e dy brigjeve të lumit Mat.
“Dikur ajo ka luajtur një rol të rëndësishëm për kalimin e karvanëve që vinin nga Durrësi dhe përshkonin itinerarin Tiranë-Shkallë Tujani-Qafë Murrizi- Guri Bardhë- Ura Vashës- Klos- Dibër. Ura është ndërtuar me gurë e llaç gëlqeror dhe ka hark në krahun e djadhtë dhe një dritare shkarkuese.
Ajo është e gjatë për rreth 11 m dhe formë gjysmërrethore me diametër simetrik 7 m hapësira e dritës midis dy këmbëve dhe po 7 m lartësia e harkut nga pasqyra e ujit, me trasenë me gurë e rrasa kalldrëm me trashësi afërsisht 2 m e 80 cm.
Ura e Vashës ndodhet mbi lumin Mat mes fshatit Fshat të Klosit dhe fshatit Guri i Bardhë, 200 m linear nga rruga e Arbërit”, shkruan kryebashkiaku Malaj.
Ura e Vashës gëzon statusin “Monument Kulture” dhe përbën një pikë atraktive turistike, për vlerat e veta historike, arkitekturore dhe për një peisazh të mrekullueshëm natyror.
Postime te ngjashme
Shto koment