Nga Agron Malaj
Pafund i lumtur dhe krenar që Bashkia Mat fiton vendin e parë për performancën vendore për vitin 2024.
Në dhjetëvjetorin e ndarjes së re administrativo-territoriale, sistemi kombëtar i Matjes së Performancës ka renditur Matin në vendin e parë nga 61 bashkitë e Shqipërisë për menaxhimin financiar, cilësinë e shërbimeve dhe standardet e mirëqeverisjes.
Ky është një rezultat që na mbush me krenari dhe përgjegjësi. Një vlerësim që flet për punën e palodhur të administratës sonë lokale, për profesionalizmin e ekipit dhe për kulturën e re të performancës që kemi ndërtuar hap pas hapi.
Por mbi të gjitha, ky është një sukses i komunitetit matjan. Bashkëpunimi, pjesëmarrja dhe besimi i qytetarëve janë forca që e bëjnë Matin të ecë përpara dhe të jetë sot model kombëtar i qeverisjes vendore.
Mati vazhdon të dëshmojë se kur puna, përgjegjësia dhe vizioni takohen, sukseset janë të pashmangshme.
