Skuadra matjane e futbollit e mbylli fazën e dytë në krye të rënditjes në Grupin A, në Kategorinë e Parë.
Fitorja të dielën e Burrelit 2-0 ndaj Orikut dhe humbja e Dinamos sot në Peshkopi, me Korabin vendas, shton shpresat e ekipit të Samuel Nikajt se verilindorët mund të ngjiten një kategori më lart pas shumë vitesh.
Fazën e dytë Burreli e mbylli me 34 pikë, i ndjekur nga Korabi me 33, Dinamo 32 dhe Vora 21 pikë.
Gjithçka do të vendoset gjatë fazës së tretë kur katër ekipit që kryesojnë në këtë grup do të përballen mes tyre për t’u ngjitur sezonin e ardhshëm në Superiore. Lufta sportive mes Burrelit, Dinamos dhe Korabit pritet të jetë e fortë dhe interesante.
