Me daljen e notës të provimit me zgjedhje, maturantët kanë vendosur të anulojnë protestën e thirrur për sot pasdite.
Maturantët u shfaqën të pakënaqur me provimin e Biologjisë pasi sipas tyre kishte pyetje që nuk ishin trajtuar gjatë vitit shkollor.
Në rezultatet e publikuara për provimin me zgjedhje shihet se 128 maturantë kanë marrë 10 absolute, ndërsa 1144 kanë ngelur.
Ministrja e Arsimit, Evis Kushi tha këtë të hënë se pas verifikimeve të kryera me një grup ekspertësh, u arrit në konkluzionin se provimi i biologjisë nuk kishte asnjë gabim shkencor.