Ministri i Shtetit për Pushtetit Vendor, Arbjan Mazniku në një takim me kryetarët e 61 bashkive në vend tha se brenda verës do të rriten pagat për punonjësit vendorë.
Sipas tij, kjo do të sjellë zbutjen e mungesës së stafeve në bashki pasi punonjësit e të njëjtit profesion, do të paguhen njësoj në të gjitha bashkitë ku punojnë. Rritja e pagave kap nivelet nga 40% deri në dyfishim të pagës për disa profesione specifike në pushtetin vendor.
“Sugjerimi ynë është që të mos ketë më diferenca të pagës nga bashkia në bashki. Bashkitë të kenë të gjithë një nivel page. E vetmja diferencë është që disa bashki të mos kenë disa klasa pagash. Ne besojmë që me këto nivele jemi konkurrues edhe me tregun privat”.