Një shtetas gjerman u arrestua në Francë, pasi dyshohet se ka mbajtur peng dhe ka torturuar për 12 vite bashkëshorten e tij. Pas më shumë se një dekade, gruaja shfrytëzoi një moment kur burri nuk e kishte mendjen, i mori celularin dhe telefonoi policinë.
Efektivët mbërritën në vendngjarje dhe hynë me forcë në banesën në Forbach, pasi burri nuk hapi derën. 55-vjeçari u vu në pranga, ndërsa gruaja e tij 53-vjeçare, që u gjet gjysmë e zhveshur dhe me kokën e rruar, më në fund rifitoi lirinë.
Në vendngjarje, u gjet një stol torture dhe një bllok, ku autori shënonte sa herë ushqehej gruaja, e cila rrinte në një dhomë me dritare me rrjet.
Ai akuzohet se ka dhunuar, përdhunuar dhe torturuar bashkëshorten prej vitesh me radhë. Ajo ndodhet në spitalin Mercy dhe pritet të kryhet kontrollet mjeko-ligjore.