Shërbimet e Komisariatit të Policisë Përmet kanë shpëtuar 23 turistë, të cilët kërkuan ndihmë pasi mbetën të bllokuar në zonën e quajtur “Kanioni i Langaricës” në Përmet.
Pas njoftimit, forcat policore janë nisur drejt vendngjarjes, bashkë me shërbimet e zjarrfikësve.
Pavarësisht reshjeve të shumta të shiut, pas disa orësh kërkime shërbimet e Policisë kanë gjetur 23 turistët gjermanë, polakë, e francezë në vendin ku kishin mbetur të bllokuar për shkak të rritjes së nivelit të ujit në lumin e Langaricës, nga rreshjet e shiut.
23 turistët janë shoqëruar për në Përmet dhe iu është ofruar ndihma e nevojshme mjekësore, e aktualisht ndodhen në gjendje të mirë shëndetësore.