Lihet në fuqi vendimi për sekuestron e pronave të Ervis Martinaj dhe familjarëve të tij.
Gjykata e lartë nuk pranoi rekursin e paraqitur përmes avokatit të Martinajt dhe familjarët e tij.
Konkretisht i janë sekuestruar prona, sipërfaqe trualli, llogari bankare, automjete, aksione kompanish etj., me vlerë mbi 10 milionë euro.
Pronat u sekuestruan me kërkesë të SPAK dhe miratim të GJKKO dhe Apelit të Posaçëm. Sipas Gjykatës, ka dyshime të arsyeshme se këto pasuri janë vendosur nga veprimtari e jashtëligjshme e kryer nga Martinaj, i cili rezulton i zhdukur prej disa muajsh.