Mbi 132 mijë nxënës janë depistuar për problematika dentare në shkollat shqiptare. Mbi 102 mijë të tjerë për probleme të shikimit. Depistimi është kryer për vitin shkollor 2024-2025, që sipas Ministrisë së Shëndetësisë dhe Mbrojtjes Sociale garanton zbulim të hershëm dhe rritje të shëndetshëm të fëmijëve.
“Programi Kombëtar i Depistimit të Shikimit dhe Depistimit Dentar u siguron fëmijëve shërbime shëndetësore parandaluese brenda ambienteve shkollore”, deklaroi Ministria.
Në një video të shpërndarë në rrjetet sociale ishte marrë rasti i shkollës “Vasil Shanto”.
“Kjo zhvillohet në klasat e treta, të pesta, të shtata, të nënta. E bëjmë çdo dy vjet si program. Gjatë periudhës shtator-nëntor në shkoklën “Vasil Sahnto është bërë depistimi i rreth 538 nxënësve. Nga këta, 69 janë rekomanduar për te mjeku specialist”, tha mjekja Entela Stërkeshi.