Aeroporti Ndërkombëtar i Tiranës (TIA) regjistroi gjatë muajit janar mbi 721 mijë pasagjerë dhe 4,238 fluturime drejt 71 destinacioneve në 21 shtete.
Sipas të dhënave të TIA-s, pesë destinacionet më të kërkuara gjatë muajit janar ishin: Milano, Londra, Roma, Pisa dhe Venecia.
TIA mbetet porta kryesore ajrore e Shqipërisë, duke ofruar më shumë mundësi udhëtimi për një numër gjithnjë në rritje pasagjerësh.
Sipas statistikave të publikuara nga Këshilli Ndërkombëtar i Aeroporteve, TIA mirëpriti 11.6 milionë pasagjerë në 2025, duke shënuar një rritje prej 8,7% krahasuar me vitin 2024.
Gjatë vitit 2025, u shtuan 15 destinacione të reja dhe 7 linja ajrore partnere.