Pas zhvillimit të mbledhjes së përbashkët të qeverive të të dy vendeve, Shqipërisë dhe Kosovës, ka reaguar kryeministri Albin Kurti.
Përmes një postimi në rrjetin social “Twitter”, shefi i qeverisë së Kosovës deklaroi se në këtë mbledhje u nënshkruan disa marrëveshje në fusha të ndryshme.
Teksa vuri theksin te rëndësia e unitetit, Kurti shtoi se suksesi nuk duhet matur me njëri-tjetrin, por duhet krahasuar me botën.
“Sot mbajtëm mbledhjen e 8-të të përbashkët të qeverisë me Shqipërinë për të vlerësuar progresin që kemi arritur dhe për të nënshkruar marrëveshje të reja në fushën e arsimit, shëndetësisë, rinisë, energjisë, transportit, bujqësisë, si dhe heqjen e kufizimeve kufitare. Shqiptarët sot jetojnë më mirë se kurrë. Por ne nuk duhet ta masim suksesin tonë me njëri-tjetrin, por të krahasojmë me botën. Ne kemi nevojë për më shumë unitet dhe përafrim në çështjet rajonale dhe të jashtme. Nuk ka dyshim se historia do të na gjykojë se si e përdorim këtë mundësi historike”, shkruan Kurti.