OSBE ka reaguar në lidhje me mbledhjen e sotme të Këshillit Politik, duke mirëpritur dakordësinë e partive për ta përmbushur reformën zgjedhore në këtë forum deri më 31 maj.
Gjithashtu e ka konsideruar si një hap tjetër përpara në procesin e Reformës Zgjedhore duke e mbështetur këtë proces së bashku me OSBE/ODIHR.
“Mbledhja e sotme e Këshillit Politik shënoi edhe një hap tjetër përpara në procesin e Reformës Zgjedhore. Prezenca e OSBE-së në Shqipëri e mirëpret dakordësinë e partive për ta përmbushur reformën zgjedhore në këtë forum deri më 31 maj dhe përsërit gatishmërinë e saj për të vijuar ta mbështetë këtë proces, së bashku me kolegët e OSBE/ODIHR-it”, është shkruar në postim.