Prej orës 10:00 të ditës së sotme, në Kryesinë e Kuvendit po zhvillohet mbledhja e grupit parlamentar të Partisë Socialiste. I pranishëm në këtë mbledhje është edhe kryesocialisti dhe kryeministri Edi Rama.
Burime për ”Tirananews.al”, bëjnë me dije se në fokus të diskutimit është buxheti dhe koordinimi i punës në Komisione, ku dhe kërkohet pjesëmarrje serioze dhe angazhim i shtuar nga deputetët që janë pjesë e tyre.
Pjesë e diskutimit ka patur edhe sa i takon situatës politike në vend, në një kohë kur opozita ka shkaktuar kaos dhe rrëmujë gjatë zhvillimit të seancave. Por socialistët mbeten të palëkundur për të vijuar normalisht punën e tyre, ndonëse detaje rreth diskutimeve nuk bëhen ende të ditura.
Gjatë fjalës së tij, kryeministri Edi Rama e ka vendosur fokusin tek buxheti, duke folur për investimet, rritjen e pagave, mirëqënien sociale. etj.